Xanuunada maskaxda ku dhaca si gaar ah kuwa saameeya waxbrashaada

 

Waxaa jira dhowr xanuun oo maskaxda ku dhaca kuwaas oo si gaar ah saameeya barashada iyo waxqabadka ardayga. Kuwa ugu caansan waxaa ka mid ah:

1. Dyslexia (Dhibaato Akhris iyo Qoris)

Sharaxaad:

Qofka qaba dyslexia wuxuu la kulmaa dhibaato xagga akhriska, fahamka qoraalka, iyo ku dhawaaqida erayada. Ma aha in qofka caqligiisu hooseeyo, balse maskaxdiisa si kale bay u shaqeysaa marka la aqrinayo.

#Xalka / Taageerada:

 • In la adeegsado habka phonics (barashada dhawaaqyada xarafka).

 • In la siiyo buugag sawir leh iyo qoraallo fudud.

 • In la siiyo waqti dheeraad ah imtixaannada.

 • Adeegsiga qalab dhijitaal ah sida cod-akhris (text-to-speech).

2. Dyscalculia (Dhibaato Xagga Xisaabta)

Sharaxaad:

Qofka qaba dyscalculia wuxuu la kulmaa dhibaato xagga tirooyinka, xisaabta fudud sida isku-darka iyo kala-jarka, iyo fahamka xidhiidhka xisaabeed.

#Xalka / Taageerada:

 • In la isticmaalo qalab muuqaal ah sida blocks, charts, ama sawirro tiro muujinaya.

 • In la baro xeerar xisaabeed oo fudud lana celceliyo si joogto ah.

 • Isticmaalka apps xisaabeed ee ku saleysan ciyaar (gamified learning).

 • In la siiyo ardayga waqti dheeraad ah iyo taageero gaar ah.

3. Dysgraphia (Dhibaato Qorista)

Sharaxaad:

Qofka qaba dysgraphia wuxuu ku dhibtoodaa qorista – far qaldan, fikir qorid adag, iyo khaladaad badan oo qoraalka ah.

#Xalka / Taageerada:

 • In la siiyo fursad uu ku isticmaalo kombiyuutar halkii uu gacanta wax ku qori lahaa.

 • Jimicsi gacan-qorid ah sida xarafka ku celcelinta (tracing).

 • In la xoojiyo eray qorista iyo xeerarka naxwaha si fudud oo la tartiib ah.

 • La shaqeynta terapist qorista (occupational therapist).

4. ADHD (Dareen Yaraanta iyo Dhaqdhaqaaqa Xad-dhaafka ah)

Sharaxaad:

Qofka qaba ADHD wuxuu la kulmaa dhibaato diiradda saarista, firfircooni xad-dhaaf ah, iyo dhaq-dhaqaaq badan oo aan munaasib ahayn.

#Xalka / Taageerada:

 • Qorsheyn waxbarasho oo waqti gaaban leh oo kala go’an (breaks badan).

 • Meel degan oo la fadhiisto si uu u diiradda saaro.

 • Isticmaalka hab waxbarasho firfircoon sida ciyaaro waxbarasho.

 • Taageero ka timaadda macallimiin iyo waalidiin isku xidhan.

 • Mararka qaar waxaa lagula talin karaa daawo iyo la-talin (psychological support).

5. Auditory Processing Disorder (APD)

Sharaxaad:

Qofka qaba APD wuxuu si sax ah u maqlaa, balse fahamka waxa la leeyahay wuu ku adkaadaa – gaar ahaan marka dad badan wada hadlayaan ama codka uu isku dhex jiro.

#Xalka / Taageerada:

 • Meel aamusnaan ah loogu talagalay barashada.

 • In macallinka hadalkiisa la duubo si uu mar kale u dhegeysto.

 • In macallinku hadalkiisa u isticmaalo erayo cad cad iyo hadal gaaban.

 • In la siiyo tilmaamo qoraal ah oo lagu daro hadalka.

6. Nonverbal Learning Disorder (NVLD)

Sharaxaad:

Qofka qaba NVLD wuxuu leeyahay luqad hadal wanaagsan, balse wuxuu ku dhibtoodaa fahamka muuqaallada, xiriirka bulshada, iyo ficillo muuqaal-ku-saleysan.

#Xalka / Taageerada:

 • In la siiyo tusaalooyin muuqaal ah (visual examples) si wax u barto.

 • In lagu tababaro xiriirka bulsho sida akhrinta wejiyada iyo dareenka dadka.

 • Isticmaalka barnaamijyo lagu barto xirfadaha bulshada (social skills training).

 • Taageero joogto ah oo ka timaadda macallimiinta iyo qoyska.                                                                                               ##W/Q :Nadiira Tissue