Nuxurka Buugga رسايل من النبي

 Buugga “رسائل من النبي صلى الله عليه وسلم” ee uu qoray أدهم شرقاوي waa ururin qoto dheer oo ka tarjumaysa xikmadda iyo barashada laga dhaxlay hadalladii iyo ficilladii Nabiga (NNKH). Qoraagu wuxuu buuggan ku soo bandhigayaa fariimo nolosha wax ka beddelaya, kuwaas oo salka ku haya axaadiista iyo dhacdooyinkii dhabta ahaa ee ka dhacay noloshii suubbanaha (NNKH).

Qodob kasta oo buugga ka mid ah waxa uu xambaarsan yahay casharro nololeed, kuwo diini ah, iyo tilmaamo dabeecadaha wanaagsan lagu gaadhi karo. Fariimaha Nabigu (NNKH) uu ummaddiisa uga tegay waxa ay iftiiminayaan arrimo muhiim ah sida jacaylka, dulqaadka, naxariista, cadaaladda, iyo xiriirka bulshada.

Buuggan wuxuu akhristaha gundhig u siiyaa fahamka sida Nabigu (NNKH) uu uga dhabeeyey dhaqanka wanaagsan iyo sida bulshada Muslimiinta ah ay uga faa’iidaysan karto talooyinkiisii iftiimiyay jidka toosan.

Waa kuwan 10 ka mid ah qodobada buugga “رسائل من النبي صلى الله عليه وسلم” ee uu qoray أدهم شرقاوي:

1.اللهم ابغني حبيباً هو أحب إلي من نفسي

– Qiso uu Nabi Muxammed (NNKH) uga sheekeeyay asxaabtiisa, taas oo ku saabsan jacaylka iyo qiimaha dadka wanaagsan.

2. كان يكون في مهنة أهله

– Ummu Salama (RC) waxay sheegtay in Nabigu (NNKH) ka caawin jiray ehelkiisa hawlaha guriga, taasoo muujinaysa sida uu uga mid ahaa qoyska.

3.أثقل في الميزان من جبل أحد

– Sheeko la xiriirta Cabdullaahi bin Mascuud (RC) oo Nabigu (NNKH) ku tilmaamay in muruqiisa iyo camalkiisu ka culus yihiin Buurta Uhud.

4.يضع ركبته لصفية لتركب

– Sida uu Nabigu (NNKH) ula dhaqmayay xaasaskiisa jacayl, naf-hurnimo, iyo sharaf.

5. يا معاذ: والله إني لأحبك

– Hadal uu Nabigu (NNKH) u jeediyay Mu’aad bin Jabal (RC), isagoo si toos ah u muujiyay jacaylkiisa.

6.أدركتني رقتها، فبكيت

– Qiso xanuun badan oo la xiriirta Nabi Muxammed (NNKH) oo xasuusanaya hooyadiis Aamina bint Wahb.

7. فهل تستطيع أن تغيب وجهك عني؟!

– Sheeko ku saabsan dembi-falayaal la cafiyay, balse Nabigu (NNKH) aan awoodin inuu la kulmo sababo la xiriira xanuunka qalbigiisa.

8. أؤذي بأكثر من هذا فصبر

– Sidii Nabigu (NNKH) uga dulqaadan jiray aflagaadada iyo dhibaatada dadka.

9. يا أبا ذر، إذا طبخت مرقة فأكثر ماءها، وتعاهد جيرانك

– Qodob muujinaya sida Islaamku u dhiirrigelinayo daryeelka deriska iyo is-caawinta.

10. من دخل دار أبي سفيان فهو آمن

– Qiso ka dhacday Fath Makkah oo Nabigu (NNKH) ugu dhawaaqay cafiska guud, xitaa kuwa horey uga soo horjeeday Islaamka.

GUNAANAD

“رسائل من النبي صلى الله عليه وسلم” ma ahan buug caadi ah ee waa dhaxal ruuxi ah oo xambaarsan farriimo dhaqan iyo diinba ah, kuwaas oo qof kasta wax ka beddeli kara. Qoraagu wuxuu si fudud oo xarrago leh u soo tebiyay xikmadihii Nabiga (NNKH), taas oo ka dhigaysa buuggan mid la akhrin karo waqti kasta oo qofku rabo inuu helo wax dhiirrigelinaya ama qalbiga dejinaya.

Casharrada ku jira buuggan waxa ay xasuusinayaan akhristaha in Islaamku yahay diin ku dhisan naxariis, dulqaad, iyo wanaag. Waxa uu qof kasta xasuusinayaa in wanaagga la xoojiyo, jacaylka la muujiyo, bulshada la caawiyo, isla markaana la fahmo in wax kasta oo lagu sameeyo nafta iyo dadka kale ay leedahay saameyn aad u weyn.

Buuggan waa mid mudan in la akhriyo, lagana faa’iidaysto si nololkeena ay ugu dhawaato tii Nabiga (NNKH), oo ahayd mid ay ka buuxaan nabad iyo barako.

Nadiira Tissue☘️